Мәдениет

Мәдениет үйі

Кебиспаева Марияш Хасенғазықызы
Туған жылы: 24.11.1960
Туған жері: ШҚО, Үржар ауданы

Білімі: жоғары
Құрманғазы атындағы Мемлекеттік Консерваториясы, Алматы қаласы

Мамандығы: домбыра-тенор

Еңбек өтілі- 30 жыл

Еңбек жолы:

1985-2003ж. -Е.Рахмадиев атындағы балалар музыка мектебінің оқытушысы.

2003-2012 ж.- Е.Рахмадиев атындағы балалар музыка мектебі директорының орынбасары.

2012ж.бастап- Аудандық «Мәдениет үйі» МКҚК-ның директоры.

Телефоны: 8 (722 30) 3-34-59
Факс: 8 (722 30) 3-43-32
Электронды поштасы: Dk_Urdzhar@mail.ru 

Мекеме мекен жайы:

071700; Қазақстан Республикасы
Шығыс Қазақстан облысы,
Үржар  ауданы
Абылайхан даңғылы №128
Тел: 8(72230)3 34 59

Ғимараты-  типтік, 2 қабатты, бетон-кірпіштен салынған
Салынған жылы- 1965 ж.
Көрермендер залындағы орын саны – 308 орындық

Мәдениет үйінің жұмыс кестесі:

Сағат 900-ден 1830-ге дейін.
Үзіліс 1300-ден 1430-ге дейін.
Сенбі, жексенбі- демалыс күндері

Директордың қызметтік міндеті, функциясы:

Жедел басқару құқығындағы Үржар ауданы әкімдігінің «Мәдениет үйі» МКҚК-ның жұмыстарында біріңғай мемлекеттік саясаттың жүзеге асырылуын және орындалуын қамтамасыз ету; Аудан әкімі аппараты және оның құрылымдық бөлімдерімен, ұйым басшылары мен ауыл әкімдерімен бірлесе отырып, жұмыс атқару; Кәсіпорынға қарасты аудандағы барлық ауылдық клубтардың қызметін ұйымдастыру және оның қызметіне басшылық жүргізу; Мәдениет үйіне жүктелген міндеттердің сапалы әрі уақытында орындалуын қамтамасыз ету; Өз құзыреті шегінде жоғары тұрған органдардың және лауазымды тұлғалардың бұйрықтарын, өкімдерін, шешімдері мен нұсқауларын орындау; Мәдениет үйінің жұмыстарын ұйымдастыру және қызметкерлердің қызметін үйлестіру, мамандар арасындағы міндеттерді бөлу; Мәдениет үйі жұмыс жоспарының сапалы әрі уақытында орындалуына жауапты болу; Бұйрықтар шығару, мәдениет үйінің құжаттарына қол қою; Материалдық-техникалық базаны нығайтып,  шаруалық мәселелерін шешуді жүзеге асыру; Еңбекті бағалау және төлеудің жүйесін білу; Ұжымның шығармашылық жұмыстарының жоспарлы түрде өтуін қадағалау және үйлестіру;

Мәдениет үйінің бағыттары:

Қазақстан Республикасының «Мәдениет туралы» Заңы;
Қазақстан Республикасы Үкіметінің Мемлекеттік «Мәдени мұра» бағдарламасы;
Қазақстан Республикасының «ҚР Тіл туралы» Заңы;
ҚР Президентінің Ұлттық және Мемлекеттік мерекелер өткізу тұжырымдамасы;
ҚР Үкіметінің мәдениет саласына қатысты мемлекеттік бағдарламалары;
ҚР Президенті Н.Назарбаевтың Қазақстан халқына «Қазақстан жолы-2050: бір мақсат, бір мүдде, бір болашақ» Жолдауы;
ҚР Президенті Н.Назарбаевтың Қазақстан халқына «Нұрлы жол- болашаққа бастар жол» Жолдауы;

Міндеттері мен мақсаттары:

  • 2015- 2017 жылдарға арналған мәдениет жүйесінің кешенді жұмысын қамтамасыз ету;
  • Көркемөнерпаздар шығармашылығын дамыту;
  • Ұлттық өнер мен  әдет - ғұрып, салт - дәстүрді насихаттау бағытындағы мемлекеттік саясатты жан– жақты жүргізу;
  • Мәдениет үйлері мен ауылдық клубтардың материалдық- техникалық жағдайын нығайту;
  • Мәдениет саласы қызметкерлерінің біліктілігін жоғарлату;
  • Жас ерекшеліктеріне қарай аудан жұртшылығының бос уақыттарын тиімді өткізуді ұйымдастыру;
  • Ауданның өнер ұжымдарын республика,  халықаралық деңгейге шығару;
  • Ауданда мәдениет пен өнерді одан әрі дамыту және ауылдық жерлерде сапалы мәдени қызмет көрсету жұмыстарын жандандыру;
  • Мәдениет және өнер саласының бәсекеге қабілеттілігін арттыру;
  • Отандық мәдениетті насихаттау, танымалдылығын арттыру және сақтау.
  • Аудан халқына барлық мәдениет қызметі түрлерін қолжетімді ету; 
  • 2018 жылға барлық ауылдық округтарда мәдениет нысандарын ашып, халыққа мәдени қызмет көрсетілуін қамтамасыз ету;
  • ұлттық идеялық топтасуды, халықтар бірлігін сақтау;
  • жалпы мемлекеттік және ұлттық мерекелер өткізу арқылы мемлекеттің 

стратегиялық дамуын қолдау;

  • Аудан көлемінде мәдени шаралар өткізу арқылы қоғамға қолайлы әлеуметтік психологиялық жағдай туғызу;
  • ҚР Президенті Н.Назарбаевтың Қазақстан халқына «Қазақстан жолы-2050: бір мақсат, бір мүдде, бір болашақ» және «Нұрлы жол- болашаққа бастар жол» Жолдауларының міндеттерін халыққа насихаттап, жүзеге асыру мақсатында іс-шаралар ұйымдастыру;
  • Мәдениет саласындағы мемлекеттік саясаттың принциптерін мәдениет пен өнер мекемелерінің шығармашылық қызметін жүйелеу арқылы ұйымдастыру;

Аудандық «Мәдениет үйі» МКҚК-на қарасты ауылдық мәдениет үйлері мен ауылдық клубтардың тізімі:

Мәдениет үйі-3
Үржар аудандық мәдениет үйі
Мақаншы ауылдық мәдениет үйі
Таскескен ауылдық мәдениет үйі 

Ауылдық клубтар-15
Ақжар ауылдық клубы
Бақты ауылдық клубы
Келдімұрат ауылдық клубы
Елтай ауылдық клубы
Көкөзек ауылдық клубы
Науалы ауылдық клубы
Қарабұта ауылдық клубы
Сегізбай ауылдық клубы
Ақшоқы ауылдық клубы
Қарақол ауылдық клубы
Көктал ауылдық клубы
Көлденең ауылдық клубы
Егінсу ауылдық клубы
Қарабұлақ ауылдық клубы
Қабанбай ауылдық клубы

 
Балалар мен жасөспірімдер театры 

Аудандағы барлық мәдениет қызметкерлерінің жалпы саны штаттық кестеге сәйкес -124,5 бірлік.

Мәдениет үйінің көрсететін қызметтері:
Мерекелерді, концерттерді, ән-би мерекелерін, тұсаукесерлерді, фестивальдерді, конкурстарды, айтыстарды, халықтық қолданбалы және бейнелеу өнері көрмелерін, оның ішінде ақылы, ұйымдастыруға; әр түрлі шараларды өткізу үшін залды, сахна костюмдерін және музыкалық аппаратураларды жалға беру жөнінде қызмет көрсету; бейнетүсірілім, музыкалық оранжировка жөнінде қызмет көрсету; дискотека, балаларға арналған шаралар ұйымдастыру; сахна  және ұлтық костюмдерді тігу; фильмдерді және бейнефильмдерді көрсету; халықтық, қазіргі заман, спорттық бал би үйірмелерін ұйымдастыру; эстрадалық, дәстүрлі ән айту үйірмелерін ұйымдастыру; музыкалық аспаптарында ойнауды үйрету үйірмелерін ұйымдастыру; актерлік шеберлік үйірмесін ұйымдастыру; бейнелеу, қолөнер үйірмесін ұйымдастыру; әр түрлі мәдени шаралардың сценарийын жазу, режиссурасын жасау; ғылымим-практикалық, ақпараттық-әдістемелік жұмыстарды  ұймдастыру; мәдени-демалыс  қызметіндегі және халық шығармашылығындағы  озық тәжірибені зерделеуге, қорытуға, танытуға, оны енгізуге және тарату; облыстық, өңірлік, республикалық, халықаралық мерекелерге, конкурстарға, фестивальдерге қатысу арқылы халық шығармашылық  үздік ұжымдарын насихаттау; этно-мәдени бірлестіктерді қолдау; мәдени-демалыс  қызмет саласындағы ұлттық мәдениеттерді сақтауға  және дамытуға бағытталған инновациялық жобалар мен бағдарламаларды, әртүрлі мәдени акцияларды, бастамашылықтарды қолдау;

Аудандық «Мәдениет үйі» МҚКҚ- да
14 өнер ұжымдары халыққа қызмет көрсетуде:

«Көңіл толқыны» халық аспаптар оркестрі
Жетекшісі  - Амирханов Болатқали Қажыбекұлы

«Көңіл толқыны» халық аспаптар оркестрі 1994 жылы құрылған.  2006 жылы «Халық оркестрі» атағын алған. Репертуарында халық күйлері мен әндері, Қазақстан композиторларының шығармалары енген. Жұмысының негізгі мақсаттарының бірі- Үржар өңірінен шыққан өнерпаздардың туындыларын насихаттау;

 

"Барқытбел»  фольклорлық ансамблі
Жетекшісі - Амирханов Болатқали Қажыбекұлы

 «Барқытбел»  фольклорлық ансамблі аудан  2008 жылдың  1 ақпанынан  жүмыс істей бастады. 2010 жылдың күзінде КХР-сы Шәуешек қаласына барып өнер көрсетті.  2013 жылы «Халықтық ұжым» атағын қорғады. 2015 облыстық «Туған ел-алтын бесігім» акциясының   Гала концертінде өнер көрсетті. 

                        

 «Сонар» халықтық ән-би ансамблі
Жетекшілері - Төлегенова Парида Уалханқызы
Қамашева Мақпал Қадырғалиқызы

«Сонар» ән-би ансамблі 1996 жылы құрылған 7-17 жас аралығындағы 30-ға тарта жас өспірімдер қатысады. 2014жылының жетістіктері:
1. Облыстық «Алтай жұлдыздары» байқауында «Сонар» ән- би ансамблі би аталымы бойынша жеке орындаушы Әсем Асхатова -1 орынға, ансамбль  3- орынға ие болды.
2. «Самға, жұлдыз!» республикалық байқауында «Сонар» ән- би ансамблінің әншісі Мұратқан Диас - Гран- при, Тетеғалиева Балжан-1 орынды жеңіп алды.
3. Облыстық «Неткен ғажап бұл әлем!» атты балалар байқау- фестивалінде «Шабыт» би ұжымы- 2 орынға, «Сонар» ән- би ансамблінің әншілері- 2- ші, 3- ші орындарға ие болды.
4. VI республикалық телевизиялық "Айгөлек" балалар байқауы ән номинациясы бойынша Болатқанова Айбота және "Нұрай" жұбы дипломант атанды.

«Қаракөз» вокалдық тобы
Жетекшісі- Жақыпбек Арайлым

«Қаракөз» қыздар вокалдық  ансамблі  2005 жылы құрылды. Репертуарында қазақтың халық әндері, Қазақстан композиторларының, шетел композиторларының шығармалары.   2007 жылы өткен  облыстық байқауда жеңімпаз атанып, мақтау қағазы мен бағалы сыйлыққа ие болды. Ауданда өтіп жатқан іс-шараларға  үнемі  қатысып келеді. Әсет Найманбайұлы әндеріне арналған конкурста «Інжу-маржан»  әнін орындап, облыстық комиссия алдында үлкен абыройға ие болды. 

 

«Керуен» халықтық театры
Режиссері- Шакенов Серік Тәңірбергенұлы

«Керуен» театры 2008 жылы құрылды. 2010 жылы «Халық театры» атағына ие болды. «Керуен» театры Ж.Б. Мольердің «Ақымақ болған басым-ай», С. Ахмадтың «Келіндер көтерілісі»,  Ш.Айтматовтың «Ана – Жер Ана» трагедиясы,    М. Мақатаевтың 80 - жылдығына арналған «Қош махаббат»,  М.Жолдасбековтың «Бәйтерек» қойылымын және  К.Гоццидің «Үш апельсин»  ертегісін ұсынды. 2012 жылы Өскемен қаласында өткен 1- ші «Халық театрлар» фестивалінде ІІ жүлделі орынға ие болды.
2014 жылы  облыстық «Халық театрлары» байқауында 1 орынды иеленді.

 

«Бота» қуыршақ театры.
 Жетекшісі- Шакенов Серік Тәңірбергенұлы.

«Бота» қуыршақ театры 2012 жылы құрылды. 2014 жылы балаларға арналған «Батыл әтеш», «Алладинның сыйқырлы шамы» спектакльдері қойылды. Аудандағы елді мекендерді аралап спектакльдер көрсетеді.

 

«Скиф» вокалды-аспаптар ансамблі
Жетекшісі - Тұрсынбаев Рамазан Құнанбайұлы

«Скиф» вокалды - аспаптар ансамблі 2013 жылы құрылды. Өскемен қаласында өткен облыстық VI «Туған ел - алтын бесігім» атты акциясы аясындағы Гала концертке қатысты. «Скиф» вокалды - аспаптар ансамблінің қатысуымен қазан айында «Буду вечно молодым» рэтро-концерті ұйымдастырылған. 

 

«Ғасырлар үні» этнографиялық - аспаптық  тобы.
Жетекшісі- Шаяхметов Дарын Советқанұлы

«Ғасырлар үні» этно тобы 2013 жылы қазан айында құрылды. Жұмысының негізгі мақсаты- қазақ халқының көне аспаптарын насихаттау. Репертуарында Қорқыт, Асан қайғының және жерлесіміз күйші С.Тұрысбековтің күйлері бар. Сонымен қатар, Аширов Мадиярдың «Дала сазы» күйі-ансамбльдің алғашқы туындыларының бірі.

 

«Адамант» орыс ән-би ансамблі
Жетекшісі- Симахин Станислав Витальевич

«Адамант» орыс фольклорлық ансамблі 2013 жылдың қазан айында құрылды. Ансамбльдің жұмысының мақсаты – орыс халқының өнері мен мәдениетін дәріптеу. Бағыты орыс халық музыкасы мен қазірігі заманауи музыка стильдерін біріктіру, қазіргі жастар музыкасы арқылы фольклорлық жанрды дамыту. 2014 жылы Өскемен қаласында өткен облыстық VI «Туған ел - алтын бесігім» атты акциясы аясындағы Гала концертке қатысты.

 

"Вдохновение"  балдық би ансамблі
Жетекшісі- Анистратова Наталья Александровна

«Шабыт» балдық би ансамблі 2013 жылдың қараша айында құрылды. Ансамбль балдық би үйірмесі негізінде жұмыс істейді. Мақсаты- балдық спорттық би өнерін дәріптеу. Қазақстан Республикасының Тәуелсіздік мерекесіне, аудан әкімінің шырша мейрамында жоғарғы деңгейде өнер көрсетті. 2014 жылы облыстық «Неткен ғажап бұл әлем!» атты балалар байқау - фестивалінде «Шабыт» би ұжымы- 2 орынға ие болды.

«Ару ана» әжелер ансамблі
Жетекшісі: Алтынбеков Төлеубек Құдайбергенұлы

«Ару ана» әжелер ансамблі 2011 жылы құрылды. Кешегі ұстаздар бүгінгі таңда әжелер ансамблін құрып, ауданнның мәдени өміріне белсене араласып жүр. Ауданда мәдени іс-шараларға қатысып, мектептерде патриоттық тәрбие сағаттарын өткізеді. 2014 жылы Ұлы Жеңістің 70 жылдығына арналған "Қайран ерлер, қасиетті ардагерлер" облыстық байқауына атсалысты.

«Ақберлі» ұлдар вокалдық хоры
Жетекшісі Черубаев Нурбол Ақынбекұлы

«Ақберлі» 2013 жылы құрылды. «Ақберлі» ұлдар вокалдық хоры 2013 жылы құрылды. Мақсаты– қазақ халқының өнері мен мәдениетін дәріптеу. Белгілі ақындар мен композиторлардың әндерін насихаттау. Облыстық «Туған ел- алтын бесігім» акциясының қорытынды Гала- концертінде жоғарғы деңгейде өнер көрсетті.

«Аққу сазы» фольклорлық ансамблі
Жетекшісі Кебиспаева Марияш Хасенғазықызы

«Аққу сазы» 2015 жылы құрылды. Мақсаты– қазақ халқының өнері мен мәдениетін дәріптеу. Белгілі ақындар мен композиторлардың әндерін насихаттау. 2015 жылғы облыстық «Туған ел- алтын бесігім» акциясының қорытынды Гала- концертінде жоғарғы деңгейде өнер көрсетті.

«Інжу -маржан» халық аспаптар оркестрі
Жетекшісі  Құмар Қажыбаев

Мақаншы ауылдық мәдениет үйінің жанынан «Інжу-маржан» халық аспаптар оркестрі 1983 жылы құрылған. «Інжу-маржан» оркестрі 1985-1988 жылдары аралығында өткен  І,ІІ,ІІІ-ші Халық шығармашылығы Бүкілодақтық фестивальдерінің Орта Азия аймақтық байқауларына қатысып, лауреат атанған.  1988 жылы оркестр Молдавия астанасы, Кишинев қаласында өткен І-ші  Бүкілодақтық фестиваліне Қазақстан атынан қатысып, бас бәйгеге ие болып,  1-ші дәрежелі Дипломмен марапатталды. 1995 жылдары оркестр таратылып, өз жұмысын тоқтатқан. Таратылып кеткеніне 20 жылға жуық уақыт болған оркестр,  2016 жылы аудан әкімі С.З.Зайнулдиннің қолдауымен қайта құрылды. Оркестрдің мақсаты– сан қырлы талант иесі Әсет Найманбайұлының  ән мұрасын насихаттау, дәріптеу және ұлттық дәстүрлі өнерімізді уақыт талабына сай дамыту. «Інжу-маржан» оркестрі 2016 жылы шілде айында Үржар ауданында өткен Ә.Найманбайұлы атындағы «Ән салсаң, Әсеттей сал...»  Республикалық   дәстүрлі ән байқауының Гала -концертінде жоғарғы деңгейде өнер көрсетті.

Ауылдық мәдениет үйлері мен
Клубтарының жұмысы

Мақаншы мәдениет үйі
Меңгерушісі: Тоқабаева Жаңыл Тоқтасынқызы
Салынған жылы – 1980 жыл.
Ғимараттың жалпы шаршы аумағы – 2189,7 ш/м
2009 жылы күрделі жөндеуден өтті
2013 жылы жылу жүйесі ағымдағы жөндеуден өтті         
Орын саны – 336.

2015 жылдың 16 желтоқсан күні  ҚР Тәуелсіздік мерекесіне арналған   «Жаса Қазақстан!» атты  концерттік бағдарлама өткізілді. Бағдарламада патриоттық әндер, әсем билер орындалды.  Желтоқсан айында жас әнші Алмас Рахимовтың  "Сахнада 5 жыл" атты шығармашылық кеші өтті.

Науалы ауылдық клубы
Меңгерушісі ҚР мәдениет қайраткері
Искаков Мұсылманбек Әліпұлы.

Салынған жылы - 1984
Ғимараттың жалпы аумағы – 1250,6 ш/м
Орын саны – 250
2014 жылы көрермендер залының жылу жүйесіне ағымдағы жөндеу жүмыстары жүргізілді.

2014 жылы Науалы ауылы өнерпаздарының қатысуымен дәстүрге айналған "Асыл мұра" ауылдық аймақтар аламанына белсене қатысып, 1 жүлделі орынға ие болды. Жеңімпаздарға бағалы сыйлық табыс етілді. Шілде айында Науалы мәдениет үйінің қызметкерлері Қанат пен Гүлмира Сатмұхамбетовтардың шығармашылық кеші өтті.

 

Қарабұта ауылдық клубы
Меңгерушісі аудандық мәслихат депутаты
Мұздыбаев Сейітқазы Қапасұлы

Салынған жылы – 1972
Ғимараттың жалпы аумағы – 150,3 ш/м
Орын саны – 150
2011 жылы ағымдағы жөндеуден өтті.
2015 жылы Қарабұта ауылдық клубының қызметкерлерінің ұйымдастыруымен ауылдық округ пен мектеп ұжымымен бірлесе отырып,  Наурыз мерекесі  өткізілді. Мерекеде ауыл тұрғындары, әсіресе ауыл жастары белсендік танытты. Наурыз мерекесінде домбырашылар оркестрі қазақ күйлерін күмбірлетсе, ауыл өнерпаздары театрландырылған көріністер қойып, халықтың ризашылығына бөленді.

 

Келдімұрат ауылдық клубы
Меңгерушісі Исмаилов Роллан Романұлы

Салынған жылы- 1977
Ғимарат көлемі 751,0 кв.м
Жалпы ауданы 174,3 кв.м

2015 жылы наурыз айында  Келдімұрат ауылдық клубының қызметкерлерінің ұйымдастыруымен «Қош келдің, Әз-Наурыз» атты мәдени көпшілік іс- шара өткізілді. Наурыз мерекесінде ауыл тұрғындары арасында спорт және өнер түрлерінен сайыстар өтті. Жеңімпаздары ауылдық округ әкімінің арнайы сыйлықтары мен алғыс хаттарымен  марапатталды.

 

Ақжар ауылдық клубы
Меңгерушісі Жұмадилов Сләмжан Мәулітжанұлы

Салынған жылы - 1985
Ғимараттың жалпы аумағы: 657,9 кв.м
Орын саны-250
2009 жылы ағымдағы жөндеуден өтті.

2015 жылы Ақжар ауылдық клубының қызметкерлерінің ұйымдастыруымен ҚР Қарулы күштерінің құрылған күніне арналған мерекелік шеру және концерті өткізілді. Концертте ауданның өнер жұлдыздары мен мектеп оқушылары, «Гүлдер-ай» әжелер ансамблі өнер көрсетіп, көрермендердің көңілінен шықты.

 

Бақты ауылдық клубы:
Меңгерушісі Садукасова Альфия Абдулахатқызы

Салынған жылы -1974
Ғимараттың жалпы аумағы: 373,5 кв.м.                                                                                                                        
Орындық саны -200
2010 жылы ағымдағы жөндеуден өтті.
2014 жылы көрермендер залының жылу жүйесіне жөндеу жұмыстары жүргізілді.

2015 жылы Бақты ауылдық клубында «Қарттарым-асыл қазынам» атты ауыл қарттары мен ардагерлеріне арналған іс-шара ұйымдастырылды. Аталған іс-шараға ауыл өнерпаздары, әжелер ансамблі, би үйірмесінің қатысушылары дайындаған концерттік бағдарлама қойылды.

Таскескен ауылдық мәдениет үйі
Меңгерушісі Қабсамет Ерғазы Қабсаметұлы

Салынған жылы -1987
Жалпы ауданы –2015,2 кв. метр.
Орындық саны – 300
2013 жылы ағымдағы жөндеуден өтті.
2014 жылы мәдениет үйінің спорт залы жөндеуден өтті.

Таскескен мәдениет үйінде «Пай, пай, қазақтың келіндер-ай» атты сайыс өткізілді. Аталған сайысқа жас келіндер қатысып, өз өнерлерін паш етті. Жеңімпаздар мен белсенді қатысқан келіндерге бағалы сыйлықтар мен Алғыс хаттар табыс етілі.

Ақшоқы ауылдық клубы
Меңгерушісі Құтжанов Серікқазы Назарбекұлы

Салынған жылы - 1984
Ғимараттың жалпы аумағы: 988,5 кв.м
Орын саны-230
2014 жылы республикалық "Жол картасы-2020" бағдарламасы бойынша ағымдағы жөндеуден өтті

2015 жылы Ақшоқы ауылдық клуб қызметкерлерінің ұйымдастыруымен  "Қарттарын қадірлеген ел ардақты", "Барлық ұлттың басын қосқан Елбасы", "Тәуелсіз елдің жалынды жастары", "Жасыл шырша" атты іс-шаралар өткізілді.

 

Көлденең ауылдық клубы
Меңгерушісі Тұрлыбекова Аселя Мұхтарқызы

Салынған жылы - 1980
Ғимараттың жалпы аумағы: 266,2 кв.м
Орын саны-100
2014 жылы "Туған жерге тағзым" акциясы аясында М.Қарашевтың демеушілігімен ағымдағы жөндеуден өткізіліп, пайдалануға берілді.

2015 жылы Көлденең ауылдық клуб қызметкерлерінің ұйымдастыруымен «ҚР Тұңғыш Президенті» күніне арналған салтанатты жиын және концерттік бағдарлама өткізілді. Аталған іс-шараға клуб қызметкерлерімен қоса әжелер ансамблі, ауыл өнерпаздары, мектеп оқушылары да өнер көрсетіп, көрермендердің көңілінен шықты.

Қарақол ауылдық клубы
Меңгерушісі Тайжигитов Дәулетқали Чотбасұлы

Салынған жылы - 1987

Ғимараттың жалпы аумағы: 1219,1 кв.м
Орын саны-230
2014 жылы толық ағымдағы жөндеуден өтіп, пайдалануға берілді.
2014 жылы Қарақол ауылдық клуб қызметкерлерінің ұйымдастыруымен мектеп оқушылары арасында «Айгөлек» байқауы өткізілсе, ауыл жастарына қызықты да көңілді тапқырлардың "Жайдарман" сайысы өтті.

 

Қарабұлақ ауылдық клубы
Меңгерушісі Тұрсынқұлов Шарипхан Кәрімұлы

Салынған жылы - 1981
Ғимараттың жалпы аумағы:802,55 кв.м
Орын саны-157
2014 жылы республикалық "Жол картасы-2020" бағдарламасы бойынша ағымдағы жөндеуден өтіп, пайдалануға берілді.
2015 жылы Қарабұлақ ауылдық клуб қызметкерлерінің ұйымдастыруымен ауыл жастары арасында «Нұрлы жол салауатты өмір кепілі» атты мәдени эстафета өткізілді.

 

Елтай ауылдық клубы
Меңгерушісі Төлемисова Гүлнар Жабайханқызы

Салынған жылы - 1974
Ғимараттың жалпы аумағы: 818,0 кв.м
Орын саны-180
2014 жылы ауыл өнерпаздары арасында өткен «Нұрлы болашақ жолында» аудандық «Асыл мұра» өнер додасында Елтай ауылдық округі ІІ жүлделі орынды жеңіп, аудан әкімінің арнайы Алғыс хат пен бағалы сыйлықтарға ие болды.

 

Көкөзек ауылдық клубы
Меңгерушісі Саябаев Ернар Ахметжанұлы

Салынған жылы - 1970
Ғимараттың жалпы аумағы: 647,5 кв.м
Орын саны- 170
2014 жылы клубтың көрермендер залына теплофон қойылды.

2015 жылы ауылдық клуб қызметкерлерінің ұйымдастыруымен "Көкөзек ауылының күні" өтті. Мерекелік концерт, дискотека, спорттық шаралар, бәйге, көкпар ұйымдастырылды.

Сегізбай ауылдық клубы
Меңгерушісі Даирбекова Мейрамгүл Қуанқызы  

Салынған жылы - 1975
Ғимараттың жалпы аумағы: 802,55 кв.м
Орын саны- 80
2013 жылы толық ағымдағы жөндеуден өтті.

2015 жылы Сегізбай ауылдық клубында Жаңа жылдық шырша мерекесі ұйымдастырылды. Аталған мерекеде ауылдық округінің әкімі ауыл тұрғындарын құттықтап, жыл бойы ауыл тіршілігінде белсендік танытқан азаматтарды арнайы Алғыс хатпен марапаттады. Мереке концерттік бағдарламамен, ойын-сауықпен жалғасын тапты.


Көктал ауылдық клубы
Меңгерушісі Садвакасов Дархан Мұратқанұлы
Салынған жылы - 1970
Ғимараттың жалпы аумағы: 647,5 кв.м
Орын саны- 170

2015 жылы 6 шілде күні «Жер жұмағы- Астана!» атты мерекелік концерт ұйымдастырылды. Концерттік бағдарламаға ауыл азаматтары, мектеп оқушылары, ауыл өнерпаздары қатысып, көрермендердің көңілінен шыға білді.

2015 жылғы жетістіктері:

«Тарбағатай жұлдыздары» атты облыстық ән байқауының 2 орын иегері-  Аудандық «Мәдениет үйі» МКҚК-ң әншісі Чукенова Райгүл Қабылқызы,
«Шоқ жұлдыз» Республикалық балалар байқауының Гран при иегері- «Сонар» ән-би ансамблінің әншісі Айбек Өрен, 1 орын иегері- «Сонар» ән-би ансамблінің әншісі Тетеғалиева Балжан,
«Самға жұлдыз»  Республикалық телевизиялық байқаудың Гран при иегері- «Сонар» ән-би ансамблінің әншісі Тетеғалиева Балжан, 1 орын- «Сонар» ән-би ансамблінің әншісі Жельдыбаев Сұлтан, 2 орын- «Сонар» ән-би ансамблінің әншісі Болатхан Айбота, 2 орын- «Сонар» ән-би ансамблінің әншісі Тұяқпаева Назерке
«Жаңа арна media grup» бірлестігінің балаларға арналған «Айгөлек» телевизиялық бағдарламасының лауреаттары, сертификат иегерлері: Тетеғалиева Балжан, Жельдыбаев Сұлтан, Талапхан Қастер, Жасыбаева Зере, Есхатқызы Ақбота.

 «Нұр Астана» Астана күніне арналған балалар шығармашылығы байқауының 1 орын иегері- Базылханова Мөлдір, 2 орын иегері- Талапхан Қастер, 2 орын- Анистратова Милана.

Алматы қаласындағы Республикалық «Фариза, Фаризажан, Фариза қыз» атты байқауында эстрадалық вокал номинациясы бойынша Гран-при иегері және көркем сөз оқу номинациясы бойынша 1 орын иесі-  «Сонар» ән-би ансамблінің әншісі Назерке Нұрбекқызы.

Парақтар өзгертілді: 22-09-2016