80 жылдық тарихы бар Үржар ауданы ежелден республикамызға, одақтас елдерге алыс-жақын шетелдерге жақсы таныс. Олардың назарын өзіне аударған бір жағынан көкжиекпен ұштасып жатқан Тарбағатай тауының әйгілі сілемдері, киелі Жайтөбе, Тоқта-Барлық таулары, айдынды Алакөл, Жалаңаш көлдер, суы шипалы Барлық-Арасан төңірегінің жасыл желеңге бөленген алқабы, табиғаты болса, екінші жағынан осы өңірдің өңін кіргізіп өркенін жайып келе жатқан Мақаншы, Таскескен, Үржар азаматтарының күнделікті даму сатысында ғылым мен өнердегі қарапайым еңбектегі айшықты іздері мен қолтаңбаларының көріністері.

Тамыздың 19 күні орталық алаңда Қазақстан Республикасы Конституциясының 15 жылдығы құрметіне аудан әкімінің жүлдесі үшін ұйымдастырылған ІІІ халықтық спорт ойындарының ашылу салтанаты өтті. Аталмыш салтанатты жиынға мекеме басшылары, аудан халқы, 27 ауылдық округтерінің әкімдері мен спортшылар қатысты.

Үржар ауданында сібір жарасына қарсы жүргізілген шаралар туралы және бруцеллез індетінің эпидемиологиялық, эпизоотологиялық жағдайы, індеттің алдын алу және онымен күресу шаралары туралы үйлестіру кеңесі өткізілді.